أهالينا

“كلية التربية الرياضية بالمنيا تحتفل بعيد ميلاد الطالب “عبدالله هشام” رئيس الإتحاد بعيد ميلاده ال21″

كتبت: آية رفعت دياب

“عبدالله هشام” ابن محافظة ملوي، رئيس اتحاد كلية التربية الرياضية، وأحد أعلام جامعة المنيا، مشهور بين أصدقائه ب( اتش).

لديه الكثير من الشهادات والأعمال المشرفة، حاصل علي مركز أول شعر عامى 2017، في محافظة المنيا .
القصيدة الأقرب إلي قلبه .

رقم_غريب

رقم غريب فجاه اتصل !
رديت اعرف رقم مين
لقيت صوت بنت عرفانى
صوتها جميل بس بيعانى
وقالتلى عارفاك من سنين !
عامل ايه يا جدع ؟!
صوتها بيبكى مليان وجع
عاوزه بس احكيلك حكايه
من غير تفاصيل ولا شرح
ولما اقفل على الاقل معاك
اكون حاسه بشويه فرح
ومش هاخد من وقتك كتير
مشكلتى كلها فى التقدير
بقدر زى ما بقدر
وبلاقى لتقديرى كفيل
وقليل مش بيبقى كفيل
إن حياتى تبقى فى هدوء
فعلا …. عدم تقديرهم
بيخلينى لا عارفه انام ولا افوق
ومش بعرف انام لو حد
مشى وزعلان منى جد
او يكون مدايق منى فى حوار
هزار مثلا قلب جد او جد قلب هزار
حسيت إن روحى بتكلمنى
وإن هو هو نفس الكلام
قالتلى ولا عشان …. جواك انسان
طيب راجل جدع غلبان
وسعات كمان وبالإمكان
تيجى انت اصلا عليهم
لحد ما يلجئولك فى الزمن والمكان
تنسى كل حاجه وتيجى انت اللى تداويهم
ده لانك قوى مش ضعيف
هو بس شعور سخيف
ذى صاحب مخبز مش بيحب شكل الرغيف
ده لانك دايما الايد الممدوده للمساعده
مش بتحب تكون مشاهد
زى ما انا مش بحب اكون مشاهده

طب_عارفه !

ماتزعليش لو فى يوم مكنوش زى ما انتى عايزه
وخلاص عادى مش مشكله
هى الدنيا اصلا كدا
المهم اكون مش مدايق
ولا انتى تكونى متنكدا
وع العموم … الدنيا فيها كام يوم ؟
عشان ازعل او اشيل هموم
دول ناس اكبر مشكله عندهم
إنهم يكونوا لابسين هدوم
وأشكى لربك اى حاجه هو أدرى منى بيكى
واحكيله وقربيله وادعيله
هو اللى هيطلعك من اللى فيكى
وخلى سعادتك بالعافيه نصيب
قالتلى : شكرا لكلامك يا كابتن
وانت من نسبالى حد قريب
شكرا تانى لنصيحتك ليا
وانك رديت على #رقم_غريب .

_ شارك في الكثير من الأنشطة الطلابية داخل الجامعة وخارجها، أُختير ضمن وفد جامعة المنيا للمؤتمر الوطني السابع للشباب، وكان ضمن وفد المنيا المشارك في معهد إعداد القادة ب حلوان.

وبمناسبة عيد ميلاده يتقدم فريق عمل جريدة الكلمة الحرة نيوز بتهنئته علي عيد ميلاده ال21 متمنين له دوام النجاح والصحة والتوفيق .

"كلية التربية الرياضية بالمنيا تحتفل بعيد ميلاد الطالب "عبدالله هشام" رئيس الإتحاد بعيد ميلاده ال21" 2
عبدالله هشام

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
آخر الأخبار