أخبارمحافظات

بالمستندات …..فضيحة بمستشفيات جامعة المنيا


قرارات العلاج على نفقة الدولة تتحول الى تجارة بمستشفى الكلى


كتب : جمال رمضان


عندما تتحول مهنة الطب الى تجارة وتخرج من نطاق الرحمة ومساعدة المرضى المحتاجين الذين تتولاهم الدولة بعلاجهم على نفقتها الخاصة هذا ماحدث فى نطاق هذه المهنة السامية التى شارك فيها رئيس قسم المسالك بالجامعة وحولها الى تجارة مع المرضى وهذا ماجاء على لسان (ايمان .ع . ف الله )حيث قالت بأنها عانت فى مرضها الذى استمر لمدة عام مابين المنيا لأسيوط ومبدئياً كدا مستشفيات المنيا الجامعية وخاصة ( مستشفى الكلى ) صفر المنيا وقصر اسيوط الجامعى عشرة على عشرة و أطباء المسالك البولية بالقصر عشرة على عشرة وصنايعيه المسالك بالمستشفى الجامعي بالمنيا بدرجة صفر وكذلك تمريض اسيوط بدرجة ممتاز و موظفي قسم المسالك بالمستشفى الجامعي المنيا.


قالت ايمان بأن البداية كانت من سنة شعرت بمغص كلوي وبالكشف تبين وجود حصوة بالكلي الأيمن نزلت الى المنيا حيث اننى اقيم بإحدى قرى المحافظة وكشفت عند أكثر من 5 أطباء مسالك معظمهم “صنايعيه” حتى قام الدكتور حسن عرفه بتشخيص حالتى بعد معاناة وتعب شهور وكان القرار اجراء عملية وكثرت الآراء مابين جراحه ومنظار جراحي وتفتيت و كان الرأي الصواب هو اجراء منظار جراحي .


وأضافت ايمان بأنه بالفعل قمت بعمل الإجراءات وأخذت القرار باني ادخل العمليات بجامعه المنيا وهنا كانت المفاجآت من رئيس القسم لحد اصغر موظف هناك .
وعلى لسانها اكمات حديثها بأن المهم وهى بتنهى الإجراءات وجدتهم بيقولوا لها مش هينفع تتعمل العملية فى التوقيت ده فسألت هل يمكن ان اجرى العملية فى قسم الاقتصادي بالمستشفى قالوا بأن مستشفى جامعة المنيا لايوجد بها اقتصادي فقولت ماشي وانتظرت دوري بقي فى العلاج ع نفقه الدوله انتظرت اكثر من45يوم رغم انه فى العادي القرار والرد يوصل فى خلال15يوم .

بالمستندات …..فضيحة بمستشفيات جامعة المنيا 2


واسترسلت فى كلامها وقالت بأنه قامت بالتواصل مع الجهات المسئولة لمعرفه سبب التأخير فاكتشفت ان الموظف ورق العلاج على نفقة الدولة هو كان ناسى وأرسله لما افتكر قولت عادي لسه ربنا ما أدردش فصبرت وتحملت وعرفت ان اسمي دخل قوائم الانتظار ولا احد من الموظفين بلغنى ولا عرفني فقولت مش مهم لحد ماعلمت بموعد دخولي فجهزت حالي ونزلت المستشفى على أساس ان هيتم تحضيرى لدخول العمليات

بالمستندات …..فضيحة بمستشفيات جامعة المنيا 3

فى حين لم يتصل بى احد ولم يطلب مني اجراء عمل تحاليل قبل اجراء العملية قولت مش مهم يمكن هم بقي هيشتغلوا معايا بخاصية المفتش كرمبو او بالحظ اليوم دا كان ظريف اوي انتظرت لا يقل عن اربع ساعات وقالوا انتظري الدكتور رئيس قسم المسالك الذى لا اعرفه شكلا ولكن عرفت اسمه ( أ . ر )وعرفت اني فى القائمه الخاصة به فى العمليات وقبل اجراء العملية بيومين ارسلت له على الواتس الخاص بيه رسالة (شكراً يادكتور مبسوطة اني في لسنتك) اللي هوانا محظوظة بقي دا رئيس القسم هو اللي هيعملي العمليه

بالمستندات …..فضيحة بمستشفيات جامعة المنيا 4

المهم ولا اعكانى أى اهتمام قولت مش مهم راجل رئيس قسم بقي ومشغول ربنا معه لحد ما وصلت المستشفى بعد انتظاري اكثر من 4ساعات كان اول مره اشوف رئيس القسم دخلت المكتب بأمر من الدكتور بأنه عايزني دخلت حرفياً (ازيك يااستاذه بخير يادكتور معلش ع التأخير لا ويهمك يااستاذه انتي عارفه مخاطرات العملية انا لآ والله عاديه ناس كتير عملتها قالي لآ بقي انتي بالذات ممكن يحصلك مخاطرات ومضاعفات ليه يادكتور اشمعنا أنا قالي هو كدا المنظار دا ممكن يدخل يخرم اي حاجة بعدين انتي تطلعينا فضائياات مش هتقولي قضاء وقدر الحقيقي فهمت كلامه جيدا

بالمستندات …..فضيحة بمستشفيات جامعة المنيا 5

بس قولت بلاش يابنت نيتك السوده دي الرجل مش قصده فلوس الرجل خايف عليكي المهم ايه يادكتور المضاعفات بصي ممكن يخرم الكلي تنزف اشيلها ممكن يخرم الطحال واشيله الحقيقي اول ماقال طحال قولته معلش هو مين اللي هيقف ع المنظار دكتور ولا صبي فى ورشه حداده بصرف النظر ان الطحال اصلا فى الشمال وانا عمليتي ف اليمين قولته طييب ايه المطلوب قالي وحيات شرفي عايز اخدمك قولته تمام قالي فكري واحنا معاكي متخيلييين بعد محل الجزاره اللي فتحه ف بطني دا افكر اجي تاني

بالمستندات …..فضيحة بمستشفيات جامعة المنيا 6

المهم قالي طيب ليه معملتيش ف القاهره مش فاهمه بقي انا جايه اخد رأيك مثلا اكيد لا المهم طيب ايه الحل انا كليتي حصلها ارتجاع بسيب التأخير والعك بتاعكم كليتي عليها ارتجاع اعمل ايه يوميا اشعربمغص كلوي ايه الحل رد بقي النائب بتاعه مش مهم تعملي دلوقتي لما يحصل حاجة نعمل تدخل سريع سبحان من صبرني عليهم بس الحقيقي كان معهم عذر قولت فى الغالب انا دخلت مكان غلط الناس دي مش بتفتهم وخايفين المهم قالت له طييب ادوني ورقه تثبت انكم اقل كفاءه وانا هيحصلي مضاعفات او فيه مصييبه انا اعرف اتصرف راح البيه رئيس القسم قالي إيه وهو بيلبس جاكت بدلته

قالى بصي أنا عندي منظار بدون جراحه ممتاز قولت حلو دا هنا يادكتور قالي لا هو ف عيادتي هنا كانت الضحكه قولت ايوه بقي طيبب ماتقولوا كدا من بدري التكلفه كام بقي قالي لا فكري الاول ونشوف الحوار بعتله ع الواتس يادكتور انا إيمان كنت معاك وكتت عايزه اعرف تكاليف المنظار اللي قولت عليه قالي لا تشرفيني ف العياده بالفعل رحت العياده ودفعت الكشف قعد يحكي معايا ساعه فى الحقيقي كان مشغول لانه عنده بنت ف طب تقريبا مكنتش حله كويس ف الامتحان فكان بيكلم الزملاء بقي وكدا
يعني المهم التكلفة كام قالي انتي اشتغلي من امتي عايز يحسب بقي المهم قالته ايه الفكره قالي عادي

قولته2013قالي كويس يعني عملتهم اكيد مش اكتر منك يعني يادكتور انا دائما اسمع عنك انك ماشاء الله مافيا المهم كانت هنا المفاجأة قالى التكلفه علشانك انتي20الف يادكتور ازي 20انا وحده مسئوله عن نفسي اكيد مش هعرف ادفع 20قرش مش الف قالي وحياة شرفي عايز اخدمك الحقيقي الكلمه كانت بضحكني قالي طيبب15 قالته يعني المضاعفات مش هتحصل ف العياده الكلي والطحال

بالمستندات …..فضيحة بمستشفيات جامعة المنيا 7

هيفضلوا مكانهم علشان هعملها ف العيادة لكن المستشفي لا هيحصلي مضاعفات المهم وصلت لقرار اروح اجيب ورقي من المستشفى واشوف طريق تاني الكل رشح لي مستشفى القصر بجامعة اسيوط قولت ماشي اجيب ورقي والاشعه بتاعتي وامشي منهم لانهم حقيقي لا مهنيه ولا ضمير ولا طب المهم طلعت عند المدام المدام مش فاضيه روحي للمدام رحت للمدام فى الحقيقية كانوا مش فاضين ومحدش فاضي يرد عليا لما قولتهم حد يعبرني فى ايه

راحت المدام جزاها الله خير عزمت قالتلى عاوزه ايه قولتلها انا عايزه ورقي قالولي لا ماهي المسئوله مش موجوده مش معها المفتاح فقلت لها انا مفيش وقت عايزه اسافر اسيوط المطلوب انتظر المدام لما ترجع تواصلت بمذكره واتساب مع الدكتور مصطفى عبد النبي رئيس جامعة المنيا بالفعل مكتبه تواصل معايا بخصوص المشكلة لكن لحد الان معرفش حصل فيها ايه هل يوجد اتخاذ اجراء قانوني لعدم تسليم اوراقى.


فهل فى ظل اهتمام الرئيس بصحة المصريين وتكليفات الدولة بالعلاج لبعض الحالات ةللعلاج على نفقة الدولة مواجهة هذا الفساد الذى يعانى منه الكثير من طوائف الشعب المحتاجين للكشف بالمجانى ويتم المتاجرة بهم من اطباء الرحمة .


وفى ذات السياق قالت ايمان تحية اعزاز وتقدير لمستشفى القصر بجامعة اسيوط لسرعة انهاء اجراءات العلاج والعملية التى قام بها الدكتور اسلام فاروق عبد الجليل .
واشارت حكيم الى انها ستتقدم بشكوى لنقابة الأطباء وللرقابة الادارية ضد ماتعرضت له بمستشفى الكلى بجامعة المنيا .

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى