أخباراقتصادالكلمة الحرة ستار

قرار جريء للسيطره علي السيوله المخزونه تحت البلاطه

5 / 100

بقلم لواء بحري / ابراهيم العناني _انجلترا

..

استعدوا.. الفوضى انتهت..
اجراءات بنكيه غير مسبوقة تدخل حيز التنفيذ قريبا
الوضع الحالي وقرارات البنك المركزي المصرى الاخيرة مرتبطه بخطه الحكومه والبنك المركزي اللي بتتضمن طباعه أوراق نقديه جديدة من ماده البوليمر الشفافة، ووضع حد للسحب سواء لماكينات الصراف الآلي أو من على الكاونتر داخل البنك ضمن خطه البنك المركزي بينفذها تباعا.. لما هايتم طباعة العملات الجديدة من المفترض هايتم وضع حدود للسحب النقدي من داخل البنك وزياده حد السحب من ماكينات الصرف عما هو عليه الآن.. ده لأسباب مهمه جدا هاتغير شكل السياسه النقديه بشكل كلي فى مصر..
مصر قبل.. 1/7/202‪0 غير مصر بعد التاريخ ده بدأً من أول يوليو القادم ومع بدايه طرح العمله الجديدة من فئه ال ١٠ جنيه وتباعا يليها باقي الفئات هايتم إصدار حزمه من القوانين تشمل إعطاء فتره سماح لحاملي عملات الفئات القديمه لايداعها فى البنوك – وليس استبدالها – خلي بالكم.. القرار هايشمل إيداع وليس تغيير أو استبدال.. بكده هايقدر يدخل أموال الاقتصاد الغير الرسمي داخل القطاع المصرفي وده مبلغ كبير جدااااا جدااااا.. بيعتبر إقتصاد موازي للاقتصاد الرسمى..

ثانيا: أموال التهرب الضريبي أو فلوس الضرائب: انا عميل بدفع ١٠٠٠٠ جنيه ضرائب في حين النقديه عندي تقول ادفع ١٠٠ الف وليس ١٠٠٠٠ جنيه.. لما اكون مجبر على اني ادخل فلوسي كلها للبنك حفاظا علي قيمتها.. ايه اللي هايحصل.. هيتطلب منى تقديم إقرار ضريبي بما يتوافق مع أمواله..

وبكدا الدوله هتقدر تقفل نقطه التهرب الضريبي أو تزييف الاقرارات الضريبيه وتقديمها بشكل غير صحيح.. كمان دا هايجبر كل الشركات إلى التحول الرقمي واستخدام Core Pay System. دا بالاضافه إلى E-Finance يعني كل تحويلات الشركات من وإلى أي مكان هايتم عن طريق Core Pay أو دفع مرتبات شهريه واستخدام E-Finance المدفوعات الحكوميه وغيره تحول رقمي شامل.. هايحد جدا من تداول العمله المطبوعه الجديدة.. بالنسبه للعميل لو عاوز يسحب فلوس لأي غرض برضو مش هايكون مسموح له بالحرية والسهولة زى دلوقتى. كله هايتم عن طريق تحويلات سواء تحويل عن طريق النت أو عن طريق طلب تحويل من داخل البنك.. لو انا عميل عاوز اسحب فلوس عشان اشتري عربيه من أي معرض مش هاقدر اسحب فلوسها كاش من البنك.. لازم اخد شيك معتمد أو تحويل بنكي لحساب معرض السيارات وهكذا الحال في كل المعاملات المالية.. بالاضافه إلى ان طباعه العمله هاينهي تماما علي موارد وفلوس تجارة السلاح والمخدرات والآثار والعمله والتهرب الضريبى وغسيل الأموال .. محدش هايبقى معاه فلوس من الطبعة الجديده تسمحله بالممارسات دي تاني.. خلاص انا لو معايا ١٠٠٠ دولار وعاوز ابدلهم من تاجر عمله لو روحت ليه هيقولي مفيش معايا سيوله لأن خلاص السيوله بتاعته كلها أصبحت داخل البنك.. دا لو عرف اصلا يدخلها البنك خلال فتره السماح.. لأنه هيتطلب منه مصدر هذه الأموال.. المفروض أن قوانين وضع حد السحب تدخل حيز التنفيذ مع بدايه طباعه فئات العملات الجديدة بس من الواضح أنه هايلجأ ليها كخطوه استباقيه للحد من تواجد العملاء داخل البنوك..
يجب أن نستعد من الآن لهذة الاجراءات البنكية الجديدة.. والتى تطبق فى غالبية دول العالم من سنوات بعيدة.

هذا ما يتم إعداد الآن بكل حزم..

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
آخر الأخبار