أخبارالحرة فن

الفنانة ياسمين عبدالعزيز في غيبوبة بسبب خطأ طبي

9 / 100

متابعة : بسنت فريد

قال تامر مجدي أن الحالة الصحية للفنانة ياسمين عبد العزيز حرجه مؤكدا أنها دخلت في غيبوبة بسبب خطأ طبي وحالتها خطرة.

وصرح “تامر” عبر حسابه على موقع التواصل الاجتماعي “فيس بوك”:” ياسمين دخلت ف غيبوبه تامه بقالها ١٤ ساعه بسبب خطأ طبي أثناء إجرأها عمليه  وإصابتها بتلوث بكتيري.. ارجوكم ارجوكم ادعولها …الدعاء بيغير الأقدار ..ألطف بيها يارب”.

كما صرح الفنان أحمد العوضي زوج ياسمين عبر “فيس بوك” :”يمكن ببان  قدامكم دايما قوي .. لكن الحقيقه انا دلوقتي اضعف انسان علي وجه الارض عشان انا روحي مش معايا، انا ضعيف جدا من غيرك انتي لازم تبقي كويسه ولازم تقومي بالسلامه”.

وقال “أحمد”: ” انا لاول مره اكتب من غير ما اكون مفكر انا بكتب ايه وهكتب ايه، بس انتي هتقومي ان شاء الله باذن الله عشان انتي وعداني وعد وهتتفذيه، انا عاوزك تبقي كويسه وتقومي عشان اقولك اني لو كنت ببينلك اني بحبك مره فالحقيقي واللي جوايا اني بحبك الف  مره، وانا دلوقتي مش قوي زي ما انتي بتشوفيني انا دلوقتي ضعيف ضعيف جدا، لحد ما تقوميلي تاني عشان زي ما انتي بتاخدي قوتك مني انا كمان باخد قوتي منك”.

واختتم الفنان”احمد العوضي” حديثه قائلا:”قومي عشان انا بحبك،  بحبك اكتر بكتيير من كل الكلام اللي انا كتبته .. اكتر بكتير من كل اللي عدينا بيه مع بعض من ايام حلوه ومواقف صعبه مرت علينا، اكتر بكتير حتي من الموقف اللي احنا فيه دلوقتي، انا بحبك، ادعولها تقوم بالسلامه زي ما انتو دايما بتدعولها بالنجاح والتوفيق هي دلوقتي محتاجه دعواتكم”.

الفنانة ياسمين عبدالعزيز في غيبوبة بسبب خطأ طبي 2

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
آخر الأخبار